Umhverfi

8
Við viljum starfa í sem mestri sátt við umhverfið og okkar nánasta samfélag

Fagmennska í stóriðju snýst um sátt. Sátt á hnattræna vísu og sátt við starfsfólk, viðskiptavini, samfélagið og stjórnvöld. Sátt við lífríki náttúrunnar og það jafnvægi sem ávallt þarf að ríkja á milli nýtingar náttúruauðlinda til verðmætasköpunar og verndunar þeirra fyrir ágangi og eyðileggingu.

Það er stefna Elkem Ísland að draga markvisst úr áhrifum starfseminnar á ytra umhverfi og framfylgja ákvæðum starfsleyfis í anda stöðugra framfara.


Hjá Elkem Ísland starfar metnaðarfullt starfsfólk sem er jafnháð því eins og allir aðrir að umgengni mannkyns við móður jörð sé með þeim hætti að komandi kynslóðir geti notið gjafmildi hennar, ávaxta og lífskilyrða hér eftir sem hingað til. Af þessari einföldu ástæðu á starfsfólk Elkem Ísland sér þann draum að jarðarbúum takist að skapa heim sem er laus við neikvæð umhverfisáhrif.
Með þá sýn að leiðarljósi höfum við verið einkar samtaka um að lágmarka umhverfisáhrif af starfssemi fyrirtækisins og náð miklum árangri í þeim efnum á undanförnum árum.
Ef þú hefur áhuga á því að koma í heimsókn til okkar til að fræðast um þau umbótaverkefni sem við höfum verið að vinna eða kynna þér nánar starfssemi okkar á sviði umhverfismála þá munum við taka vel á móti þér. Það eina sem þú þarft að gera er að hringja í síma 432 0200 og mæla þér mót við okkur.